17 ஜூலை, 2014

நோன்பின் மாண்பு-1


கடும் வெயிலிலும் நோன்பு 
عن ابن عباس رضي الله عنهما: أن رسول الله - صَلَّى اللَّهُ عَلَيْهِ وَسَلَّمَ - بعث أبا موسى على سرية في البحر، فبينما هم كذلك، قد رفعوا الشراع (3) في ليلة مظلمة، إذا هاتف فوقهم يهتف: يا أهل السفينة! قفوا أخبركم بقضاء قضاه الله على نفسه، فقال أبو موسى: أخبرنا إن كنت مخبراً، قال: إن الله تبارك وتعالى قضى على نفسه أنه من أعطش نفسه له في يوم صائف، سقاه الله يوم العطش (رواه البزار بإسناد حسن إن شاء الله، وحسنه الألباني في "صحيح الترغيب" (1/412)
அபூமூஸா ரலி அவர்கள் தலைமையில் ஒரு படையை அண்ணல் நபிகளார் ஸல் அனுப்பி வைத்தார்கள். கடலைக் கடந்து பயணம். கப்பல் புறப்படத் தயாரான போது மேலிருந்து ஒரு அசரீரி சப்தம்.
கப்பல் பயணிகளே.. கொஞ்சம் நில்லுங்கள்! அல்லாஹ் தன் மீது விதித்துக் கொண்ட ஒரு சட்டவிதியைக் கூறுகிறேன் கேளுங்கள் :
கடும் வெயில் காலத்திலும் அல்லாஹ்விற்காக நோன்பு வைத்து தாகத்தைத் தாங்கிக் கொண்டால் அந்த நோன்பாளிக்கு மறுமையில் எல்லோரும் தாகத்துடன் தண்ணீருக்காக அலைகிறபோது அல்லாஹ் இவருக்கு விஷேசமாக தண்ணீர் அருந்தச் செய்வான்.

قال ابن رجب: "عن بعض السلف قال: بلغنا أنه يوضع للصوّام مائدة يأكلون عليها والناس في الحساب فيقولون: يا رب نحن نحاسب وهم يأكلون، فيقال: إنهم طالما صاموا وأفطرتم وقاموا ونمتم".

மறுமையில் நோன்பாளிகளுக்கு விஷேசமான உணவுத் தட்டு இருக்கும் அதில் அவர்கள் சாப்ப்பிட்டுக் கொண்டிருப்பார்கள். வேறு சிலருக்கோ இன்னும் விசாரணையே முடிந்திருக்காது . அதனால் அவர்கள் முறையிடுவார்கள். இறைவா.. எங்களுக்கோ இன்னும் விசாரணையே முடிந்தபாடில்லை. ஆனால் அவர்களோ (எந்தக் கவலையுமின்றி ) ருசித்து சாப்பிட்டுக் கொண்டிருக்கிறார்களே.. 
அவர்களுக்கு சொல்லப்படும்: ஆமாம்.. அவர்கள் உலகில் நோன்பு வைத்திருந்தார்கள்; நீங்களோ உண்டு கொழுத்தீர்கள். அவர்கள் இரவு வணங்கினார்கள்; நீங்களோ உறங்கினீர்கள் .