25 மே, 2013

டாய்லெட் - ஒரு மீள்பார்வை

திருவல்லிக்கேணி ஜமாஅத்துல் உலமா பேரவை மாநாட்டுச் சிறப்பு மலருக்காக மவ்லவி எஸ்.என்.ஆர். ஷவ்கத் அலி மஸ்லஹி அவர்கள் எழுதிய கட்டுரை . பலரது கவனத்தை ஈர்த்து பாராட்டு பெற்ற படைப்பு . அடிப்படை சுத்தம் குறித்து ஆழமான ஆய்வுக் கட்டுரை

(கட்டுரையை முழுமையாக படிக்க இந்த கட்டுரையின் மீது க்ளிக் செய்யவும் )


21 மே, 2013

என்னை நீங்கள் நினையுங்கள்; உங்களை நான் நினைக்கிறேன்

மலடி கூட மன்றாடிக் கேட்டால் மழலைச் செல்வம் உண்டு:
மூஸா அலை அவர்களிடம் ஒரு பெண் வந்து குழந்தைக்காக துஆ செய்யும்படி வேண்டினாள். நபி துஆ செய்தார்கள் அல்லாஹ் கூறினான் : அவள் ஒரு மலடி என்று நான் ஏற்கனவே எழுதிவிட்டேன் என்றான். ஒரு ஆண்டு கழிந்து மீண்டும் வந்து துஆ செய்யும்படி வேண்டினாள் . மீண்டும் அதே பதில் இறைவனிடம்.
அடுத்த ஆண்டு அதே பெண் கையில் குழந்தையோடு வந்தபோது இது யாருடைய குழந்தை என்று கேட்டார்கள். என்னுடையதுதான் என்றாள்.

12 மே, 2013

இதுவரை வந்த இஸ்லாமிய இதழ்கள் (Islamic Magazines)

        --- ஆளூர் ஷா நவாஸ் (எழுச்சிமிக்க எழுத்தாளர்)


இஸ்லாமிய இதழியல்' என்பது, ஒரு நீண்ட நெடிய மரபையும், பாரம்பரியத்தையும் கொண்டது. இலங்கையில் தொடங்கி, கிழக்காசிய நாடுகளில் தொடர்ந்து, தமிழ்நாட்டில் படர்ந்து, வளைகுடா மண்ணிலும் வேர்பரப்பி, தம் ஆளுமையை அவை நிலைநாட்டிக் கொண்டிருக்கின்றன. ஒரு நூற்றாண்டுக்கும் மேலான வரலாற்றை தன்னகத்தே கொண்டு தடம் பதித்திருக்கின்றன.

19 ஆம் நூற்றாண்டில் தொடங்கிய இஸ்லாமிய இதழ்களின் பயணம், 20 ஆம் நூற்றாண்டைக் கடந்து, தற்போது 21 ஆம் நூற்றாண்டிலும் தொடர்ந்து கொண்டிருக்கின்றது. தமிழில் வெளியான முதல் இஸ்லாமிய இதழின் பெயர் 'அலாமத் லங்காபுரி'. சலாவுத்தீன் என்பவரை ஆசிரியராகக் கொண்ட அவ்விதழ், 1869 ஆம் ஆண்டு கொழும்பில் வெளியிடப்பட்டது. துவான் பாபா யூனூஸ் எனும் வணிகர், கையெழுத்து இதழாக அரபுத்தமிழில் அதைத் தொடங்கினார்.

இலங்கையைத் தொடர்ந்து சிங்கப்பூரில் 1875 இல், 'சிங்கை வர்த்தமானி' என்ற இதழ் தொடங்கப்பட்டது. சி.கு.மகுதூம் சாயபுவை ஆசிரியராகக் கொண்டு அவ்விதழ் வெளியானது. 1876 இல் ’புதினாலங்காரி’ என்ற இதழ் கொழும்பிலிருந்தும், 1878 இல் ’தங்கை நேசன்’ என்ற இதழ் சிங்கப்பூரிலிருந்தும் வெளியாயின. ‘அசன்பே சரித்திரம்’ எனும் புகழ்பெற்ற நூலை எழுதிய சித்தி லெவ்வை முகம்மது காசிம் மரைக்காயரை ஆசிரியராகக் கொண்டு, 1882 இல் இலங்கையில் ‘முஸ்லிம் நேசன்’ என்ற இதழ் தொடங்கப்பட்டது.

1883 இல் நாகூர் குலாம் காதிறு நாவலர் மலாயா நாட்டின் பினாங்கு நகரில் 'வித்தியா விசாரிணி' என்ற இதழை தொடங்கியுள்ளார். அதே காலக்கட்டத்தில் பினாங்கிலிருந்து ‘உலக நேசன்’ என்ற இதழும் வெளிவந்துள்ளது. 1886 இல் கொழும்பிலிருந்து ‘சர்வ ஜன நேசன்’ என்ற இதழும், 1887 இல் சி.கு.மகுதூம் சாயபுவை ஆசிரியராகக் கொண்டு சிங்கப்பூரிலிருந்து ‘சிங்கை நேசன்’ என்ற இதழும் வெளிவந்துள்ளன.

குலாம் காதிறு நாவலரால் பினாங்கில் தொடங்கப்பட்ட ‘வித்தியா விசாரிணி’ பின்னர் 1888 இல் நாகூரிலிருந்து வெளியானது. அதே ஆண்டில் சென்னையில் முகம்மது யூசுபை ஆசிரியராகக் கொண்டு 'சம்சுல் ஈமான்' என்ற இதழும், காரைக்காலில் காசிம் முகைதீன் இராவுத்தரை ஆசிரியராகக் கொண்டு 'முகம்மது சமதானி' என்ற இதழும் தொடங்கப்பட்டுள்ளன. 1889 இல் நாகூரிலிருந்து ‘சீரிய சூரியன்’ என்ற இதழ் வெளியாகியுள்ளது.

சதாவதானி செய்குத்தம்பி பாவலர் அவர்களால் 1898 இல் ’யதார்த்தவாதி’ ‘இஸ்லாமிய மித்திரன்’ ஆகிய இதழ்கள் நடத்தப்பட்டுள்ளன.

1905 இல் சென்னையிலிருந்து ‘அஜாயிபுல் அக்பாற்’ [அதிசய செய்திகள்] என்ற இதழும், 1906 இல் ‘லிவாவுல் இஸ்லாம்’ [இஸ்லாமின் கோடி] என்ற இதழும் வெளியாகியுள்ளன.

1907 இல் முஸ்லிம் தூதன், 1909 இல் இஸ்லாம் நேசன், 1910 இல் அஜாயிபுல் ஆலம், இஷாஅத், சைபுல் இஸ்லாம் ஆகிய இதழ்கள் வெளியாயின. இதில் 'சைபுல் இஸ்லாம்' நாளிதழாக வெளிவந்தது. தமிழ்நாட்டில் வெளியான முதல் முஸ்லிம் தமிழ் நாளிதழ் என்ற சிறப்பையும் அவ்விதழ் பெற்றது.

1919 இல் பா.தாவூத் ஷா அவர்களால் தொடங்கப்பட்ட 'தத்துவ இஸ்லாம்' என்ற இதழ், 1923 இல் 'தாருல் இஸ்லாம்' என பெயர் மாற்றம் செய்யப்பட்டது. மார்க்க சிந்தனைகளைத் தாண்டி தமிழ் ஆர்வம், கல்வி விழிப்புணர்வு, அரசியல் கருத்துக்கள் என கலவையாக அவ்விதழ் வெளியானது. 'திருவாரூர் வீதிகளில் ஒருகையில் பச்சைப் பிறைக்கொடியையும், மறுகையில் தாருல் இஸ்லாம் இதழையும் ஏந்தியவாறு என் பொதுவாழ்வை தொடங்கினேன்' என்று கலைஞரால் இப்போதும் நினைவு கூரப்படும் சிறப்புக்குரிய இதழ் அது.

1923 இல் முஸல்மான், இஸ்லாம், தாஜுல் இஸ்லாம், 1924 இல் அல்கலாம், பத்ஹுல் இஸ்லாம், வஜுருல் இஸ்லாம், 1925 இல் அல்-இஸ்லாம், அல்-ஹிதாயா, 1926 இல் அல்-ஹக், கமருஸ்ஸமான், 1927 இல் இஸ்லாம், மத்ஹுல் இஸ்லாம், 1928 இல் சம்சுல் இஸ்லாம், ஜவ்ஹருல் இஸ்லாம், 1929 இல் ஹிபாஜத்துல் இஸ்லாம், 1930 இல் ஹக்குல் இஸ்லாம், 1931 இல் ஷம்ஸுல் ஹுதா, விடுதலை, 1932 இல் காலச்சந்திரன், 1933 இல் ஜன்மத், 1935 இல் சத்திய இஸ்லாம், சாந்தி, ஞானச்சுடர், 1936 இல் சாந்தி உலகம், முஸ்லிம், 1937 இல் சமரசம், மஸ்னவி ஷரீப், முஸ்லிம் லீக், 1938 இல் முஸ்லிம், 1939 இல் நூருல் இஸ்லாம், 1940 இல் கதிர், 1942 இல் முன்னேற்றம், றபீக்குல் இஸ்லாம், 1943 இல் இளம்பிறை, பாக்கிஸ்தான், 1944 இல் பால்யன், 1945 இல் முஸ்லிம் இந்தியா, வெள்ளி, 1946 இல் சமாதானம், சன்மார்க்கச் சங்கு, மணிமொழி, மின்னொழி, நூருல் ஹக், 1947 இல் மார்க்க வினா விடை, மிலாப், லீக் முஸல்மான், 1948 இல் அருள்ஜோதி, ஆஸாத், நூருல் ஹக், வளர்பிறை, 1949 இல் இஷா அத்துல் இஸ்லாம், உத்தம மித்திரன், புகாரி, 1950 இல் செம்பிறை என தமிழ்நாட்டில் வெளிவந்த முஸ்லிம் இதழ்களின் பட்டியல் நீண்டு செல்கின்றது.

கவிக்கோ அப்துல் ரகுமானின் தந்தை எழுத்தாளர் 'மஹதி' 1933 ஆம் ஆண்டு மதுரையில் ‘வெடிகுண்டு’ என்ற இதழை நடத்தினார். அப்போது தமிழகமெங்கும் தந்தைப் பெரியார் இஸ்லாத்தை ஆதரித்து தீவிர பரப்புரை செய்து வந்ததனால், வெடிகுண்டு பத்திரிகையில் பெரியாரையும், திராவிடர் கழகத்தையும் ஆதரித்து தீவிரமாக எழுதி வந்தார் மஹதி. அப்பத்திரிகையின் அதிதீவிரப் போக்கைக் கண்ட அன்றைய ஆட்சியாளர்கள், 5000 ரூபாய் அபராதம் விதித்ததனால் பத்திரிகை நிறுத்தப்பட்டது. பின்னர் சிட்டி கெஜட், நவயுகம் ஆகிய இதழ்களைத் தொடங்கி நடத்தியுள்ளார் மஹதி.

கலைமாமணி கவி.கா.மு.ஷெரீப், 1948 ஆம் ஆண்டு ‘ஒளி’ என்ற இதழைத் தொடங்கினார். அவரே ‘சாட்டை' 'தமிழ்முழக்கம்’ ஆகிய இதழ்களையும் 1952 முதல் 1969 வரை நடத்தினார்.

பன்மொழி அறிஞர் எம்.அப்துல் வஹ்ஹாப் பாக்கவி 1956 இல் தொடங்கிய ‘பிறை’, இறையருட் கவிமணி கா.அப்துல் கபூர் தொடங்கிய ‘மதிநா’, திருச்சி குலாம் ரசூல் தொடங்கிய ’ஷாஜஹான்’ ஆகிய இதழ்கள் குறிப்பிடத்தக்கவை.

1948 ஆம் ஆண்டு ஜூலையில் தொடங்கப்பட்டு, சுமார் 65 ஆண்டுகளாக தொய்வில்லாமல் தொடர்ந்து வெளிவரும் ஒரே இதழாக 'முஸ்லிம் முரசு' விளங்குகின்றது. 1948 முதல் 1966 செப்டம்பர் வரை, திருவிடைச்சேரி எஸ்.அப்துல் ரஹீம் அவர்களும், 1966 அக்டோபர் முதல் 1980 வரை, நாவலாசிரியர் செய்யிது முஹம்மது ’ஹசன்’ அவர்களும் முரசின் ஆசிரியராக இருந்து வழிநடத்தினர். 1981 இல் ஆளூர் ஜலால் ஆசிரியர் பொறுப்பேற்ற பின் முஸ்லிம் முரசின் எல்லைகள் விரிந்தன. முஸ்லிம் சமூகத்தில் அழுத்தமான தாக்கத்தை ஏற்படுத்தும் இதழாக முரசு பரிணாமம் பெற்றது. 1995 இல் ஜலால் மறைந்து விட்டாலும், அவரது குடும்பத்தினர் இன்றுவரை இதழை நடத்தி வருகின்றனர்.

நாவலர் ஏ.எம்.யூசுப் சாகிப் 1943 இல் தமது இளம் வயதிலேயே காரைக்காலில் ‘கதம்பம்’ எனும் கையெழுத்துப் பிரதியைத் தொடங்கி நடத்தினார். பின்னர் 1947 இல் ‘முஸ்லிம் லீக்’ இதழைத் தொடங்கினார். 1952 இல் திருச்சி சென்ற அவர் அங்கு ‘மறுமலர்ச்சி’ எனும் வார இதழை வெளியிட்டார். சமூக அவலங்களுக்கு எதிரான விமர்சனங்களையும், கூர்மையான அரசியல் கருத்துக்களையும் தாங்கிய இதழாக மறுமலர்ச்சி வெளிவந்தது. 1993 இல் மறையும் வரை ஏ.எம்.யூசுப் சாகிப் அதன் ஆசிரியராக திறம்பட செயலாற்றினார். அவருக்குப் பின் அவரது மகன் 'ரிஸ்வி' சிலகாலம் மறுமலர்ச்சியை நடத்தினார்.

காயிதே மில்லத் முஹம்மது இஸ்மாயில் சாகிப், 1947 இல் ‘முஸ்லிம்’ என்ற நாளிதழையும், 1961 இல் ‘உரிமைக்குரல்’ என்ற வார இதழையும் தொடங்கி நடத்தினார். முஸ்லிம் லீக்கின் அதிகாரப்பூர்வ இதழ்களாக அவை வெளிவந்தன. முஸ்லிம் இதழின் ஆசிரியராக அஹமது இப்றாஹிம் சாகிபும், உரிமைக்குரல் ஆசிரியராக அ.க.ரிபாயி சாகிப் அவர்களும் செயலாற்றினர்.

சிராஜுல் மில்லத் அப்துல் சமது சாகிப் 1954 இல் ‘மணிவிளக்கு’ மாத இதழையும், 1987 இல் ‘மணிச்சுடர்’ நாளிதழையும் தொடங்கினார். மணிவிளக்கு இஸ்லாமிய இலக்கியத் தளத்திலும், மணிச்சுடர் முஸ்லிம் அரசியல் களத்திலும் ஆழமான தாக்கத்தை ஏற்படுத்தின. மணிச்சுடர் அண்மையில் வெள்ளி விழா கண்டது. பேராசிரியர்.கே.எம்.காதர் மொகிதீன் அதை சிறப்பாக வழிநடத்திக் கொண்டிருக்கிறார். அவர் ஏற்கெனவே 1981 இல் ‘தாருல் குர்ஆன்’ எனும் இதழைத் தொடங்கி நடத்தியவர். தற்போது முஸ்லிம் லீக் பதிப்பகத்தின் சார்பில் ‘பிறை மேடை’ எனும் மாதமிருமுறை இதழ் வெளிவருகின்றது. வேலூர் தொகுதி நாடாளுமன்ற உறுப்பினர் எம்.அப்துல் ரஹ்மான் அவ்விதழின் ஆசிரியராக உள்ளார்.

1950 களிலிருந்து கடந்த 60 ஆண்டுகளாக நூற்றுக்கணக்கான இஸ்லாமிய இதழ்கள் வெளிவந்துள்ளன.

1951 இல் தாரகை, தாஜ்மஹால், 1952 இல் கர்ஜனை, பத்ஹுல் இஸ்லாம், பறக்கும் பால்யன், 1953 இல் உதயம், சமரன், பாகவி, புத்துலகம், 1955 இல் சன்மார்க்க சங்கு, வெள்ளி மலர், 1956 இல் இஸ்லாமியச் சோலை, 1957 இல் இன்சாப், பிறைக்கொடி, 1958 இல் குர்ஆனின் குரல், 1959 இல் நேர்வழி, முபல்லிக், 1960 இல் அல் இஸ்லாம், சாந்தி விகடன், 1961 இல் அல் இன்ஸாப், மணிக்குரல், 1962 இல் ஒளிவிளக்கு, ரஹ்மத், 1963 இல் இந்திய தூதன், ஒளிச்சுடர், மறைக்கதிர், 1964 இல் அல் ஹிதாயா, 1965 இல் சுதந்திரக் கதிர், 1966 இல் அல் இஸ்லாம், கலாச்சாரம், 1968 இல் இளைய சமுதாயம், ஜிஹாத், 1970 இல் அல் ஹிதாயா, குவ்வத், றபீக்குல் இஸ்லாம், ஜன்னத், 1971 இல் அறமுரசு, நறுமணம், ஜமாஅத்துல் உலமா, 1972 இல் அக்பர், அறவிளக்கு, சரவிளக்கு, திப்பு, நற்சிந்தனை, பசுங்கதிர், மறைவழி, 1973 இல் பரீதா, சிராஜ், 1974 இல் தெளலத், மறைச்செய்திகள், 1975 இல் முஸ்லிம் குரல், முஸ்லிம் சுடர், முஸ்லிம் நேசன் ஆகிய இதழ்கள் வெளியாயின.

1976 இல் ஆன்மீக இன்பம், தாவூஸ், முபாரக், ஹாஜா, ஹுஜ்ஜத், 1977 இல் தர்பியத்துல் இஸ்லாம், 1978 இல் அல் ஃபுர்கான், இஸ்லாமியர் உலகம், காயிதே மில்லத், கத்தரிக்கோல், சமுதாயக் குரல், ஞானரதம், முத்துச்சுடர், 1979 இல் இலட்டு, இஸ்மி, 1980 இல் அல்-அமீன், புரட்சி மின்னல், 1981 இல் இந்தியன் முஸ்லிம் ஹெரால்டு, 1982 இல் றப்பானி, அன்வாருல் குர்ஆன், சிராஜுல் மில்லத், முஸ்லிம் நேஷனல் ஹெரால்டு, முஸ்லிம் மறுமலர்ச்சி, 1983 இல் இளைய நிலா, நம்குரல், பைத்துல்மால், 1984 இல் இதயக்குரல், உண்மை ஒளி, தவ்ஹீத், தீன்குரல், நுஸ்ரத், நூருல் ஜுமான், 1985 இல் அல்-மிம்பர், அஷ்ஷரீஅத்துல் இஸ்லாமியா, அஹ்லெ சுன்னத், சமுதாய முழக்கம், செப்பம், தீன்குலம், 1986 இல் அந்-நஜாத், அல்-முபாரக், அல்-ஜன்னத், இறை அமுதம், இஸ்லாமியர் இதயக்குரல், உண்மைக்குரல், ஞானப்பூங்கா, மலர்மதி, ஷரீஅத், ஹிலால், 1987 இல் அல்-முஜாஹித், இந்தியன் மைனாரிட்டீஸ், கனியமுதம், சுவனப்பூங்கா, தீன்தமிழ், பள்ளிவாசல், மக்காச்சுடர், மறைஞானப் பேழை, மும்தாஜ், வஸீலா, வான்சுடர், ஷரீஅத் பேசுகிறது, 1988 இல் அல்முபீன், எழுச்சிக்குரல், கந்தூரி, தீன்மணி, பாலைவன ரோஜா, 1989 இல் அல்-ஜன்னத், கருவூலம், 1990 இல் அல்-பரகத், அல்-பைஜுல் இஸ்லாம், புஷ்ராச்சுடர், முஸ்லிம் மெயில் ஆகிய இதழ்கள் வெளியாயின.

1991 இல் அல்-ஜிஹாத், இஸ்லாமியத் தென்றல், நேர்வழி, ஹுதா, 1992 இல் அல்-இர்ஷாத், அல்-இஸ்லாம், இதயவாசல், இளைய நிலா, உம்மத், புதுமலர்ச்சி, முஸ்லிம் வீக்லி, மெய் ஒளி, 1993 இல் அல்-ஹுதா, மறைச்சுடர், மனாருல் ஹுதா, ஃபீஸஃபீல், 1994 இல் அல்லாஹ்வின் ஆலயம், அல்-ஹக், அல்-ஹிக்மத், இஸ்லாமிய சகோதரத்துவக் குரல், தமிழ் அருவி, தீன் துன்யா, நமது இளைய நிலா, மஹாராணி, லீக் டைம்ஸ், 1995 இல் சாந்தி வளாகம், நுக்தா, 1996 இல் அந்நிஃமத், இஸ்லாமிய வளர்பிறை, திருமதினா அரசு, 1998 இல் சிந்தனைச் சரம், 1999 இல் முஸ்லிம் டைம்ஸ், 2001 இல் அந்நிஸா, அஸ்ஸிராத், மறைச்சுடர், ஜமாஅத் முரசு, 2002 இல் புதிய காற்று, அல்-ஹரம், நமது முற்றம், புதிய பயணம், மனித நேயத் தொண்டன், மனிதன், சென்னை நண்பன், 2003 இல் இனிய திசைகள், இனிய தென்றல், ஏகத்துவம், சொர்க்கத் தோழி, தர்மத்தின் குரல், புதிய சுவடி, 2005 இல் சமுதாயத் தொண்டன், 2006 இல் இளம்பிறை, திங்கள் தூது, மெய்யெழுத்து, உலக வெற்றி முரசு, ஹைர உம்மத், 2008 இல் சமூகநீதி முரசு, சமஉரிமை, 2009 இல் தங்கம், 2011 இல் பீஸ் வாய்ஸ், அஹ்லுஸ் சுன்னா என ஏராளமான இதழ்கள் தொடங்கப்பட்டுள்ளன. மேலும், பச்சைரோஜா, இளையான்குடியான் மடல், தீன்குலப் பெண்மணி, பள்ளிவாசல் டுடே, அன்னை கதீஜா, அல்-ஹிந்த், சமுதாய உரிமை, ஆகிய இதழ்களும் வெளியிடப்பட்டுள்ளன.

இவற்றில் நிறைய இதழ்கள் பாதியிலேயே நின்றுவிட்டாலும், பல இதழ்கள் இன்றும் வெளியாகிக் கொண்டிருக்கின்றன.

1972 இல் திருச்சியில் தூத்துக்குடி எம்.முஸ்தபா ஹுசைன் தொடங்கிய ‘நர்கிஸ்’ மாத இதழ் 40 ஆண்டுகளைக் கடந்து இன்றும் வெளியாகிக் கொண்டிருக்கிறது. இஸ்லாமிய இதழ்களிலேயே பெண்களுக்காக நடத்தப்படும் இதழ் என்ற சிறப்பை நர்கிஸ் பெற்றுள்ளது. எம்.அனீஸ் பாத்திமா எனும் பெண்மணி ஆசிரியராக இருந்து திறம்பட நடத்திக் கொண்டிருக்கிறார்.

1980 இல் ஜமாஅத்தே இஸ்லாமி ஹிந்த் அமைப்பினால் தொடங்கப்பட்ட மாதம் இருமுறை இதழான ‘சமரசம்’ இன்றுவரை தொய்வில்லாமல் வெளிவருகின்றது. எழுத்தாளர் சிராஜுல் ஹசன் இவ்விதழின் பொறுப்பாசிரியராக செயலாற்றி வருகிறார்.

1991 இல் பழனிபாபா தொடங்கிய இதழின் பெயர் ‘புனிதப் போராளி’. அதில் அனல் பறக்கும் கட்டுரைகளை எழுதிய பாபா, நாடு முழுவதும் முஸ்லிம்களுக்கு எதிராக நடைபெறும் கொடுமைகளையும், அரச அடக்குமுறைகளையும் தொடர்ச்சியாக அம்பலப்படுத்தினார். 'அல்-முஜாஹித்', 'முக்குல முரசு' போன்ற பத்திரிகைகளையும் பாபா நடத்தியுள்ளார்.

1992 இல் நடைபெற்ற பாபர் மஸ்ஜித் இடிப்பிற்குப் பின் முஸ்லிம்களிடம் ஏற்பட்ட அரசியல் எழுச்சியை அடைகாக்கும் வகையில் நிறைய இதழ்கள் தோன்றின. அவற்றில் மிக முக்கியமான இதழாக கொடிக்கால் ஷேக் அப்துல்லாஹ் தொடங்கிய ‘உங்கள் தூதுவன்’ இதழ் விளங்குகின்றது. அரசியல் விழிப்புணர்வூட்டும் ஆங்கங்களும், முஸ்லிம்களின் மறைக்கப்பட்ட வரலாறுகளும் அவ்விதழில் வெளியிடப்பட்டன.

இந்துத்துவ எதிர்ப்பு, ஏகாதிபத்திய ஒழிப்பு, மூடநம்பிக்கை அழிப்பு, ஒடுக்கப்பட்டோர் சார்பு ஆகிய கொள்கைகளுடன் 1982 இல் வெளியான ‘SIM செய்தி மடல்’ எனும் மாத இதழை, இன்று வெளியாகிக் கொண்டிருக்கும் பல இதழ்களின் தாய்மடி என்று சொல்லலாம். 1996 இல் தொடங்கப்பட்ட ‘உணர்வு’, வார இதழ், 2001 இல் தொடங்கப்பட்ட ‘ஒற்றுமை’ மாதம் இருமுறை இதழ், 2004 இல் தொடங்கப்பட்ட ‘மக்கள் உரிமை’ வார இதழ் ஆகியவை த.மு.மு.க.வின் அதிகாரப்பூர்வ ஏடுகள். 2004 லிருந்து ததஜவின் இதழாக உணர்வு மாறிவிட்டது.

1996 இல் தொடங்கப்பட்ட ‘விடியல் வெள்ளி’, 2011 இல் தொடங்கப்பட்ட ‘புதிய பாதை’ ஆகியவை பாப்புலர் பிரண்ட் மற்றும் எஸ்.டி.பி.ஐ.யின் இதழ்கள். 2009 இல் ‘வைகறை வெளிச்சம்’ என்ற இதழை மூத்த பத்திரிகையாளர் மு.குலாம் முஹம்மது தொடங்கினார். இந்திய தவ்ஹீத் ஜமாத் அமைப்பின் சார்பில் 2009 இல் ‘சமுதாய மக்கள் ரிப்போர்ட்’ எனும் வார இதழ் தொடங்கப்பட்டது.

இவ்வாறு எண்ணிக்கையில் அடங்காத வகையில் ஏராளம் இதழ்கள் தோன்றியிருந்தாலும், 2003 இல் தொடங்கப்பட்ட ‘சமநிலைச் சமுதாயம்’ மாதஇதழ், பல்வேறு அம்சங்களில் தனித்துவத்துடன் மிளிர்கிறது. சமநிலையின் சிறப்பே, அது எந்த இயக்கச் சார்புடனும் வெளிவருவதில்லை என்பதுதான். எல்லா இயக்கங்களைப் பற்றியும் அதில் விமர்சனக் கட்டுரைகள் எழுதப்பட்டுள்ளன. சமூகத்தில் நடக்கும் எந்தஒரு அநீதியையும் கண்டு சமநிலை வாய்மூடி இருந்ததில்லை. தனக்கு வேண்டியவர் வேண்டாதவர் என்ற அளவுகோலுடன் எதையும் அணுகுவதில்லை. விருப்பு வெறுப்புக்கு இடமளிப்பதில்லை. அச்சுறுத்தலுக்கோ, மிரட்டலுக்கோ அது என்றுமே அடிபணிந்ததில்லை.

'அதிகாரத்தை நோக்கிய உண்மையின் குரலா'கவே சமநிலை இன்றும் ஒலித்துக் கொண்டிருக்கிறது.

1998 இல் நிகழ்ந்த கோவை குண்டுவெடிப்பு வழக்கில் சிக்கவைக்கப்பட்டு சுமார் ஒன்பதரை ஆண்டுகள் விசாரணைக் கைதியாகவே சிறையில் பூட்டப்பட்டிருந்த அப்துல் நாசர் மதானி பற்றி, 2004 இல் சமநிலை வெளியிட்ட அட்டைப்படக் கட்டுரை அதன் துணிவையும், துயருறும் மனிதர்கள் மீதான அதன் கனிவையும் பறைசாற்றியது. அக்கட்டுரை, தமிழகத்தில் மனித உரிமைத் தளத்தில் பங்காற்றி வரும் சமூக செயல்பாட்டாளர்களின் கவனத்தைப் பெரிதும் ஈர்த்தது.

மறைக்கப்பட்ட வரலாற்றை மீட்டுருவாக்கம் செய்யும் பணியை செம்மையாகச் செய்து வருகிறது சமநிலை. காயிதே மில்லத், அபுல் கலாம் ஆசாத், நாகூர் ஹனிபா, பஹதூர் ஷா ஜாபர் ஆகிய ஆளுமைகளின் வாழ்க்கையை மீளாய்வு செய்ததன் மூலம், அன்றைய தலைவர்களை இன்றைய தலைமுறைக்கு கொண்டு சேர்த்தது சமநிலை.

மூத்த எழுத்தாளர் ஜே.எம்.சாலி எழுதிய ‘இலக்கிய இதழியல் முன்னோடிகள்’, கடையநல்லூர் எழுத்தாளர் சேயன் இப்ராஹிம் எழுதிவரும் ‘முதல் தலைமுறை மனிதர்கள்’ ஆகிய தொடர்கள் நமது கடந்த காலத்தை நம் கண்முன்னே நிறுத்தின.

அருந்ததிராய், ஏ.ஜி.நூரானி, ஏ.பி.ஜே.அப்துல் கலாம், ஏ.ஆர்.ரஹ்மான், சல்மா, தொல்.திருமாவளவன், வைகோ, கி.வீரமணி, விஜயகாந்த் என ஏராளமான முகங்களைத் தாங்கிய அட்டைப்படக் கட்டுரைகளையும், நேர்காணல்களையும் சமநிலை வெளியிட்டுள்ளது. அ.முத்துகிருஷ்ணன் எழுதிய பாலஸ்தீன் பயணக் கட்டுரை தமிழுலகிற்கு ஓர் புதிய அனுபவமாகவே அமைந்தது.

பரமக்குடி, கூடங்குளம், தர்மபுரி போன்ற பிரச்சனைகளை அலசும் முகப்போவியங்களும், பேரறிவாளனின் தாயார் அற்புதம்மாவின் ஆவேச வெளிப்பாடுகளும் அதிர்வுகளை ஏற்படுத்திய பதிவுகளாகும்.

புதிய பொருளாதாரக் கொள்கை, அன்னிய நேரடி முதலீடு, பசுமை வேட்டை என மத்திய அரசு செய்யும் மக்கள் விரோத செயல்கள் அனைத்தையும் சினம் கொண்டு எதிர்த்துள்ளது சமநிலை.

அ.மார்க்ஸ் எனும் எழுத்துப் போராளி சமநிலையில் தொடர்ச்சியாக எழுதிய அனைத்துக் கட்டுரைகளும் காலத்தால் அழியாதவை. இந்துத்துவமும், ஏகாதிபத்தியமும், அதிகார வர்க்கமும் முஸ்லிம்களுக்கு எதிராக செய்யும் அத்தனை சூழ்ச்சிகளையும் அம்பலப்படுத்தினார் மார்க்ஸ்.

நபிகளார், நபித்தோழர்கள், அரபு நாடுகள், மத்திய கிழக்காசிய நாடுகளில் நிலவும் அரசியல் சூழல்கள், இஸ்லாமிய அரசுகள், மதரசாக்கள், மார்க்க அறிஞர்கள் பற்றியெல்லாம் கோவை அப்துல் அஜீஸ் பாக்கவி தொடர்ந்து எழுதிவரும் கட்டுரைகள் புதிய சிந்தனைகளை விதைத்தன.

தரமான மொழிபெயர்ப்பு கட்டுரைகள் மற்றும் ஆழமான நேர்காணல்கள் இதழை மேலும் கனப்படுத்தின. பேராசிரியர் தி.மு.அப்துல் காதர், நிகழ் அய்க்கண், டாக்டர்.மு.அப்துல் ரசாக் ஆகியோரது கட்டுரைகளும் குறிப்பிடத்தக்கவை.

மற்ற அனைத்து இதழ்களிலிருந்தும் சமநிலை வேறுபட்ட ஒரு இடம் உண்டென்றால், அது வடிவமைப்பு தான். அட்டை முதல் உள்ளடக்கம் வரை அத்தனைப் பக்கங்களும் நேர்த்தியுடன் அமைந்துள்ளன.

11 மே, 2013

இஸ்லாமிய தமிழ் மாத இதழ்கள்


முஸ்லிம் முரசு
எண் 49 கே.எம்.தெரு
ராஜ அண்ணாமலைபுரம்
சென்னை 600 028

தொலைபேசி : 2495 1648


இஸ்மி மாத இதழ்
1, Jaffar Syrang Street,
Vallal Seethakathi Nagar
(Custom House Backside)
Chennai-600 001.
Phone: 044-25232255 , 25232222
Fax: 044-25248888
 
http://www.tnwakfboard.org/contactus.htm




Ilampirai
No 365 ( 231 ) poonamalle High Road
Amimjikarai
Chennai 600 029
Tel : 2664 1389
Cell : 98 436 22733
E mail : ilampirai4u@gmail.com



NARGIS
No 54 Maryam Nagar
Malligaipuram
Trichy 620 001
E mail : aneesnargis@hotmail.com
Tel : 0431-2301255
Cell : 94431-30135



Quranin Kural
Post Box No. 250
No 38 Thasildar pallivasal Street
Madurai 625 001
Tel : 0452 - 6991333
Fax : 0452 - 2322672
E mail : quraaninkural@sancharnet.in

Subscribtion
 

One Year Rs. 120

Founder : Allama A.M. Abdul Jabbar Baqavi (rah)
Editor : Moulavi A Mohamed Ashraf Ali Manbayee
குர்ஆனின் குரல் தற்போது இணையத்திலும் அவ்வப்போது பதிவேற்றப்படுகிறது இதோ இங்கே க்ளிக் செய்யுங்கள் www.quraaninkural.com

சத்தியப் பாதை
வடக்குத் தெரு
கீழக்கரை 623 517
போன் : 94435 21122
www.sathyapathai.com
info@sathyapathai.com



SAMARASAM TAMIL FORTNIGHTLY
No 138 Perambur High Road
Chennai 600 012
Tel : 2662 0091
E-mail : samarasam12@gmail.com
www.samarasam.com
www.iftchennai.org


Subscribtion Rate :
 

Rs.220 for one year
Rs.110 for six months
Rs.820 for one year overseas subscribtion.

Editor & Publisher : H Abdur Raqeeb
Editor-in-charge : Sirajul Hasan

சமநிலைச் சமுதாயம் தமிழ் மாத இதழ்

சமநிலைச் சமுதாயம்
தபால் பெட்டி எண் : 6315
மயிலாப்பூர்
சென்னை 600 004

எண் 5 கிரீம்ஸ் சாலை
கனரா வங்கி பின்புறம்
இரண்டாவது மாடி
ஆயிரம் விளக்கு
சென்னை 600 006
தொலைபேசி : 28290785
தொலைநகல் : 24352814


ஆசிரியர் : ஜாபர் சாதிக் பாக்கவி
98 402 77450
editor2samanilai@yahoo.co.in
editor2samudhayam@yahoo.co.in


வாசிக்கும் தலைமுறையை வார்த்தெடுக்கும் மகத்தான பயணம் எனும் முழக்கத்தோடு
சிறுபான்மைக் களத்திலிருந்து சமகாலத்தில் வெளிவரும் இதழ்களிலிருந்து
முற்றிலும் வித்தியாசப்பட்டு முஸ்லிம் சமுதாயத்தின் கல்வி, பொருளாதாரம், சமூக முன்னேற்றம், வணிகம், அரசியல், சமுதாயச் சேவைகள், தேசத்தின் முன்னேற்றம் குறித்த விழிப்புணர்வுக்காக இதழ் நடத்தப்பட்டு வருகிறது.

தமிழகத்தின் மூத்த படைப்பாளிகள், முஸ்லிம் படைப்பாளர்கள் பலரும் தங்களது ஆழமான, கனமான படைப்புகள் மூலம் இதழை கனப்படுத்தி வருகிறார்கள்.


VIDIYAL VELLI
No 26 Baracks Road
( Near Vetenery College )
Second Floor
Periamet
CHENNAI - 600 003
Tel : 256 10969
Fax : 256 10872
E-mail : vidialvelli@gmail.com

Rs. 180 for one year
Rs. 800 for one year - Overseas Subscribttion

Editor : M Gulam Mohamed M.A.
Sub Editor : M.S. Abdul Hameed B.E


புஷ்றா - நற்செய்தி மாத இதழ்

சுன்னத்வல் ஜமாஅத் முற்போக்கு மாத இதழ்

ஆசிரியர் 

மௌலவி பாஸில் ஏ.எல்.பதுறுத்தீன்
ஷர்க்கி - பரேலவி

தொடர்பு முகவரி

புஷ்றா
138
சரீப் ஹாஜியார் வீதி
அட்டாளைச்சேனை 02
தொலைபேசி : 060 2672600
இலங்கை

மற்ற மாத இதழ்களின் முகவரிகளும் அடுத்தடுத்து வெளியிடப்படும் 
தங்களுக்குத் தெரிந்த இதழ்களின் முகவரிகளை கருத்துரையில் தெரிவியுங்களேன் 

09 மே, 2013

தோல்வியின்றி வரலாறா? துக்கமென்ன என் தோழா!


பத்துகளும் துன்பங்களும் ஏற்படவும் வேண்டும்; அவற்றை துணிவோடு வெல்லவும் வேண்டும் . அதுவே ஆண்மகனுக்கு அழகு '' என்பார் அவ்ரங்கசீப் (ரஹ் )
எல்லாச் செல்வங்களையும் நிரந்தரமாக யாருக்கும்  இறைவன் வழங்கியதில்லை.
பிறப்பிலிருந்து இறப்பு வரை துன்பமே இலாமல் வாழ்ந்தவர்கள் எத்தனை பேர்?
கண்களை மூடிக்கொண்டு எண்ணிப் பாருங்கள்.
ஒரு கட்டம் அப்படி என்றால்மறு கட்டம் இப்படி!

08 மே, 2013

மாரடைப்புக்கு மகத்தான மருந்து


மருத்துவம் 
நண்பர்களே கவனியுங்கள்----

இது உண்மைச் சம்பவம்....

இச்செய்தியை அனைவரிடமும் பகிர்ந்து கொள்ளுங்கள்.

தயவு செய்து கவனியுங்கள். உங்கள் ரத்த குழாய் அடைப்பு திறந்து கொள்ளும். ஆஞ்சியோவுக்கோ, பைபாஸ் அறுவை சிகிச்சைக்கோ செல்லுமுன் நம்பிக்கையுடன் இதனைச் செய்யுங்கள்.
நீங்கள் குணமடைவீர்கள்!

தன் இதய வலிக்காக சிகிச்சைக்குச் சென்ற நோயாளி ஒருவர்-பைபாஸ் சிகிச்சைக்கு பரிந்துரைக்கப்பட்டார்.

இந்நிலையில் நோயாளி ஆயுர்வேத டாக்டர் சையது சாகிப்பை சந்தித்தார்.

தன்னுடைய ஆஞ்சியோ சோதனையில்,இருதய இரத்த குழாயில் மூன்று அடைப்புகள் இருப்பதாகவும், பைபாஸ் அறுவை சிகிச்சைக்கு நாள் குறிப்பிட்டுவிட்டதாகவும் தெரிவித்தார்.

ஒரு மாதத்திற்கு அடியிற்கண்ட பானத்தை அருந்தும்படி ஆயுர்வேத டாக்டர் நோயளிக்கு பரிந்துரைத்தார்.
மும்பையில் உள்ள இருதய மருத்துவமனையில்

பைபாஸ் அறுவை ஆப்ரசேனுக்கு முதல்நாள்ரூ2,25,000த்தை டெபாசிட் செய்தார்.

நோயாளியை பரிசோதனை செய்த டாக்டர் அவருடைய முந்தைய பரிசோதனையை சரிபார்த்து வியந்தார்.

ஆச்சரியப்பட்டார். தன்னுடைய முந்தைய பரிசோதனைக்குப் பிறகு ஏதாவது மருந்து சாப்பீட்டீர்களா? என்று டாக்டர் வினவினார்.

இதனை கவனமுடன் படியுங்கள், நீங்களும் குணமடையலாம்.

இருதய இரத்தக் குழாய் அடைப்புகளை திறக்க அருந்தும் பானத்திற்கு உரிய மூலப்பொருள்கள்.
1 கப் எலுமிச்சை சாறு
1 கப் இஞ்சிச் சாறு
1 கப் புண்டு சாறு
1 கப் ஆப்பிள் சைடர் விநிகர்.
எல்லாச் சாறுகளையும் ஒன்றாக கலக்குங்கள். இலேசான இளஞ்சூட்டில் (சிம்மரில்) 60 நிமிடம் கொதிக்க வையுங்கள். நான்கு கப் மூன்றாக குறையும். சூடு ஆறியவுடன் சாறு இருக்கும் அளவுக்கு சம அளவு இயற்கைத் தேனை கலந்து ஜாரில் வைத்துக் கொள்ளுங்கள்.
நாள்தோறும் காலை உணவுக்கு முன் ஒரு டீ ஸ்புன் பானத்தை அருந்துங்கள்.
மகிழ்ச்சியுடன் பானத்தை அருதுங்கள்....சுவையாகவும் இருக்கும்.
நீங்களே உங்களை பைபாஸ் அறுவை சிகிச்சையிலிருந்து காப்பாற்றிக் கொள்ளுங்கள்.

- ஸ்ரீ சமஸ்கிருத ஆயுர்வேத சர்வதேச ஆய்வு இதழ்

தமிழாக்கம்; Mannargudi Banukumar

05 மே, 2013

டிவியால் அதிகம் விளைவது நன்மையா? நாசமா? தீர்ப்பு

இப்போது ஆறு மாணவர்களும் அருமையாக பேசி முடித்துவிட்டார்கள். தீர்ப்பு சொல்ல  வேண்டும்.
என்ன தீர்ப்பு சொல்வது?
நன்மையும்தான் நாசமும்தான் இரண்டுமே உண்டுதான் என்று சொன்னால் .... என்னை செருப்பக் கழட்டி அடிக்க வருவீங்க  ''ஏண்டா.. இதுக்கா  இத்தனை மணி நேரம் பொறுமையா உட்கார்ந்திருந்தோம் என்று பொங்கி  விடுவீர்கள் ''யாருடா இப்படி ஒரு தீர்ப்பை எழுதித் தந்தது'' என்று எங்க ஆசியருக்கும் திட்டு விழும் .
அதுக்காக இந்த வழக்கின் தீர்ப்பை வருகிற பத்தாம் தேதிக்கு ஒத்தி வைக்கிறேன்னு சொல்ல முடியுமா ?
நான் ஒத்தி வச்சா நீங்கல்லாம் சேர்ந்து என்னை மொத்தி எடுத்து விடுவீங்க
அதுனால நல்ல தீர்ப்பை சொல்லாம என்னால நழுவ முடியாது . சரி தீர்ப்புக்கு வருவோம்.
இந்த தரப்பில் பேசும்போது என்ன சொன்னார்கள் :
'சொல்வதெல்லாம் உண்மை' என்ற நிகழ்ச்ச்சியில் எத்தனையோ குடும்ப பிரச்சினைகளை தீர்க்கிறார்கள் பிரிந்து கிடக்கிற குடும்பங்களை சேர்த்து வைக்கிறார்கள்'' என்றார்கள்
ஆனால் இந்த அணி என்ன சொல்கிறது? ''ஒற்றுமையாய் இருந்த எத்தனையோ குடும்பங்கள் நாடகங்களால் நாசமடைந்ததும் உண்டா இல்லையா'' என்று இவர்கள் கேட்கிறார்கள். அதையும் நாம் மறுக்க முடியாது.

உதாரணமாக , வேலை செய்து அலுத்து மனமும் உடலும் கலைத்து வரும் கணவருக்கு சேர்ந்தாற்போல ஒரு பத்து நிமிடம் அருகில் அமர்ந்து இன்று எந்த மனைவியாவது உணவு பரிமாறுவதைப் பார்க்க முடியுமா?
நாடகம் தொடங்கும் முன் தட்டு வரும்  அடுத்த விளம்பர இடைவேளையில் சாதம் ; அதற்கடுத்த இடைவேளையில் சாம்பார்.
இப்படி இடைவேளைகளில் பரிமாறி பரிமாறி கணவனுக்கும் மனைவிக்கும் இடையே பெரிய இடைவெளியையே ஏற்படுத்தி விடுகின்றன இந்த டிவி நிகழ்ச்சிகள் 

பஸ்ஸில் படிக்கட்டில் தொங்கிக் கொண்டு பயணம் செய்யும் இளவட்டங்களை பார்த்து சில பெரியவர்கள் ''தம்பி.. உள்ளே இடம் கிடக்கும்போது ஏன் இவ்வளவு ரிஸ்க் எடுத்து தொங்கிக்கிட்டு வரணும் என்று சொன்னா,  ''யோவ் பெருசு.. ரிஸ்க் எடுக்கிறதெல்லாம் எங்களுக்கு ரஸ்க் சாப்பிடுற மாதிரின்னு சொல்லிட்டு கெக்கபிக்கன்னு ஒரு கேவலமான  சிரிப்பு வேற. இதெல்லாம் யாரு கத்துக் கொடுத்தா? சினிமா இல்லையா ?

மதிக்கவேண்டிய பெரியவர்களை மதிப்பதில்லை மரியாதை தரவேண்டிய ஆசிரியர்களுக்கு மரியாதை இல்லை இதன் பின்னணியில் இந்த சினிமாக்கள் இல்லன்னு மறுக்க முடியுமா

அட அதை விடுங்க ..
இந்த வாண்டுங்க என்னமா வயாடுதுக? வகுப்பிற்கு அறுவையான ஆசிரியர் யாராவது வந்து விட்டால் உடனே ஒரு கமென்ட்: வந்துட்டான்யா .. வந்துட்டான்யா 
இதெல்லாம் என்கிருந்து  கற்றுக் கொண்டார்கள் பாழாப்போன சினிமா விலிருந்து தானே?

அதற்காக தொலைக் காட்சியினால் ஒரு பயனும் இல்லைன்னு அடியோடு ஒதுக்கவில்லை அங்கொன்றும் இங்கொன்றுமாக சில நல்ல நிகழ்ச்ச்சிகளும் உண்டு

  • செய்திகளை உடனுக்குடன் இருபத்து நான்கு மணி நேரமும் தெரிந்து கொள்கிறோம் 
  • டிஸ்கவரி போன்ற சேனல்களில் அதிசய விலங்குகள் பறவைகளின் செயல்பாடுகளிக் கண்டு அல்லாஹ்வின் ஆற்றலை வியக்குகிறோம்.
  • சமையல் குறிப்புகள், அருமையான அலசல்கள், சூடான விவாதங்கள் சுவையான தகவல்கள்.
 இப்படி சில நன்மைகளும் உண்டு நாம் மறுக்கவில்லை ஆனால இவை எல்லாம் குவிந்து கிடக்கும் குப்பைகளுக்கு மத்தியில் சில குண்டுமணிகளைப்  போல.
ஆனால் டிவியால் ஏற்படும் பாதகங்களை பட்டியல போட பக்கங்கள் போதாது;  நாசங்களைக் கூற நாவு போதாது; கேடுகளை எடுத்துச் சொல்ல ஏடுகள் போதாது .
  • மாணவச் செல்வங்களுக்கு கடுமையான மறதியை  உண்டாக்கிவிட்டது.
  • அவர்களின் மன வளர்ச்ச்சியை மங்கச் செய்து சுறுசுறுப்பில்லாத சோம்பேறியாக்கிவிட்டது 
  • குடும்ப உறவுகளை குலைத்துவிட்டது 
  • மான மரியாதை, நல்லொழுக்கம் இறை பக்தி இவைகளுக்கு இதயத்தில் இடமே இல்லாமல் செய்துவிட்டது. 
  • பெற்றோரை எதிர்த்து அன்னியனோடு ஓடிப் போய் குடும்பக் கவுரவத்தை காற்றில் பறக்கவிடுவதை சாதனையாக காட்டுகிறது டிவி.
  • படிக்கும் பருவத்திலேயே பாய் பிரன்ட் கேள் பிரான்ட் வைத்துக்கொள்கிற அசிங்கத்தை அழகாகக் காட்டுகிறது 
  • கல்வி கற்க வேண்டிய வயதில் கலவியை காமத்தைக் கற்றுத் தருகிறது.

இப்படி ஏராளமான அபாயங்களை அடுக்கிக் கொண்டே போனால் அதன் முடிவாக வருவது டிவியால் அதிகம் விளைவது நாசமே நாசமே என்று தீர்ப்பளித்து இந்த பட்டிமன்றத்தை நிறைவு செய்கிறேன்  

டிவியால் அதிகம் விளைவது நன்மையா? நாசமா?- நடுவர் முன்னுரை

பசிக்கின்ற மனிதனுக்கு ருசிக்கின்ற உணவளித்து ரசிக்கின்ற இறைவா.. உனக்கே புகழனைத்தும்.
வஞ்சி மரக்கிளைகளை தென்றல் கொஞ்சித் தாலாட்டும் காலமெல்லாம் வள்ளல் நபி சல்லல்லாஹு அலைஹி வசல்லம் அவர்களின் மீதும் நபி வழி நடந்திட்ட நற்றவத் தோழர்கள் மீதும் வாஞ்சை மிக்க  வலிமார்கள் மீதும் இங்கு கூடி இருக்கிற நம் அனைவர் மீதும் அல்லாஹ்வின் அருளும் அன்பும் உண்டாவதாக.. ஆமீன்

இந்த பட்டிமன்றத்தின் தலைப்பு டிவியால் அதிகம் விளைவது நன்மையா நாசமா ?

இதுபோன்ற தலைப்பில் பட்டிமன்றம் நடத்துவது காலத்தின் கட்டாயம். காரணம், இந்த கடைசிக் காலத்தில் நடைபெற்றுக் கொண்டிருக்கும் கலாச்சார சீரழிவுகளும் அனாச்ச்சார பேரழிவுகளும் கொஞ்சமல்ல நெஞ்சமல்ல
இந்த சீரழிவின் பின்னணியில் டிவி செல்போன் போன்ற நவீன கருவிகளுக்கு பெரும் பாங்கு இருப்பதை பரவலாகவே பார்க்கிறோம் .
ஒரு பக்கம் அதீத அறிவியல் முன்னேற்றத்தால் அற்புதமான கருவிகள் கண்டுபிடிக்கப்பட்டு அநேக பலன்கள் கிடைத்துக் கொண்டிருப்பதும் உண்மை. ஆனால், மறு பக்கம் நவீன கருவிகளால் நாசம் ஏற்பட்டுக் கொண்டிருப்பதும் மறுக்க முடியாத உண்மை.
அதிவிரைவான வாகனங்கள் டெலிபோன் செல்போன் கரண்ட் அடுப்பு கம்ப்யூட்டர் இன்டெர்நெட், ஈயத்தட்டு ஈமெயில் கொசுமெயில் இப்படி ஏராளமான் கண்டுபிடிப்புகள் வந்து ஒரு பக்கம் நன்மையைத் தந்து கொண்டிருந்தாலும் மறு பக்கம் நாசத்தை ஏற்படுத்திக்கொண்டிருப்பதையும் கண்கூடாகப் பார்க்கிறோம்.
இவற்றில் எது அதிகம் ? நன்மையா? நாசமா? இதுதான் இங்கு தலைப்பு.
அதிலும் குறிப்பாக சினிமா என்ற சின்னத் திரையும் சீரியல் என்ற வண்ணத் திரையும் சீரழிவைத் தருகிறதா? சீர்திருத்தத்தை தருகிறதா? என்று பேசப் போகிறோம்  டிவியால் நன்மையே என்று பேச மூன்று பேர் முன் வந்துள்ளனர். நாசமே என்று பேச மூன்று பேர் முன்வந்துள்ளனர். முதலி இவர்களை மோதவிடுவோம் பிறகு ஒரு முடிவுக்கு வருவோம்
இப்போது நாசமே என்று பேச நம்ம வீரப் புலி- தவ்பீக் அலி  வருகிறார் .
வாருங்கள் வந்து உங்கள் வார்த்தைகளைத் தாருங்கள்.